უშგული - ევროპის ყველაზე მაღალი დასახლებული პუნქტი

Ushguli: the highest mountain community in Europe 7 July 2018

სვანეთისა და ევროპის უმაღლესი დასახლებული წერტილი ზღვის დონიდან 2000-2200 მეტრზე მდებარეობს. უშგულის თემი აერთიანებს 4 სოფელს (ჟიბიანი, ჩვიბიანი, მურყმელი და ჩაჟაში - თემის ცენტრი). ყოველი მათგანი სთავაზობს მნახველს ენით აღუწერელ ხედებს და განსაკუთრებულ ატმოსფეროს. უშგულს ჯერ კიდევ არ დაუკარგავს ავთენტურობა, რაც კიდევ უფრო მიმზიდველს ხდის მას და კავკასიის ბუნების სიდიადესთან ერთად თქვენ აქ შეგიძლიათ შეიგრძნოთ დღემდე შემონახული სვანური გენი.

Ushguli Ushguli

Ushguli - the highest inhabited village in Europe. Caucasus, Upper Svaneti - UNESCO World Heritage S by Milosz Maslanka on 500px.com

რითია ცნობილი უშგული?

უშგული ზემო სვანეთთან ერთად შესულია იუნესკოს მემკვიდრეობის სიაში. ზემო სვანეთის რეგიონი წარმოადგენს განსაკუთრებულ მთიან ლანდშაფტს რომელმაც საუკუნოვანი იზოლაციის წყალობით შესანიშნავად შეინარჩუნა უძველესი ტრადიციები და ცხოვრების სტილი, სწორედ ამიტომ იგი ოფიციალურად არის აღიარებული კაცობრიობის მემკვიდრეობად! ბუნებისა და უძველესი არქიექტურის ამგვარ სინთეზს, ძნელად თუ მოეძებნება ანალოგი მსოფლიოში.

უშგულში სოფლის შემაღლებულ ადგილას მდებარეობს ლამარიას უძველესი მამათა მონასტერი. სვანების რწმენით, თამარ მეფე სწორედ ამ წმიდა ღვთისმშობლის მიძინების ეკლესიის ქვეშ უნდა იყოს დაკრძალული. ამ ადგილიდან თითქოს ხელის გულზე მოსჩანს საქართველოს უმაღლესი მწვერვალი შხარა, რომლის წვერი და კალთები წელიწადის ნებისმიერ დროს თოვლის საფარშია გახვეული. საქართველოს ერთ-ერთი ყველაზე პოპულარული სათრექინგო ბილიკი უშგულიდან სწორედ ამ მთის ძირში მიგიყვანთ.

კარგი ამინდის პირობებში უშგულიდან შეძლებთ დაინახოთ საქართველოს ორთავიანი მწვერვალი „უშბა“ - მიუდგომელი. სწორედ თავისი სილამაზისა და მიუდგომლობის წყალობით იზიდავს იგი არაერთ მთამსვლელსა და ტურისტს.

რითი დაკავდეთ უშგულში და მის შემოგარენში?

  • მოინახულეთ უძველესი კოშკები - ნაგებობა რომელსაც სვანები უძველესი დროიდან საცხოვრებლად და თავდაცვითი ფუნქციით იყენებდნენ. კოშკების უმრავლესობა მდებარეობს სოხელ ჩაჟაში, მათგან ყველაზე ახალი კოშკი 700 წელს ითვლის. გადმოცემის თანახმად, ზემო ჩაჟაშის ციხე თამარ მეფის ერთ-ერთი საზაფხულო რეზიდენცია იყო.
  • აღნიშნეთ კვირიკობა - სვანების მთავარი რელიგიური დღესასწაული, რომელიც 28 ივლისს წმინდა კვირიკეს და ივლიტას ტაძარში (ლაგურკაში როგორც მას სვანები უწოდებენ) აღინიშნება. აქ დაცულია წმიდა კვირიკეს რამდენიმე უძვირფასესი ხატი, მათ შორის შალიანის მინანქრიანი ხატი. ძველად დანაშაულის ჩადენაში ეჭვმიტანილთ ან სხვა მნიშვნელოვანი საქმის მონაწილეთ ამ ხატზე აფიცებდნენ რადგან გამორიცხული იყო შემთხვევა, რომ სვანს ამ ხატზე დადებული ფიცი გაეტეხოს.
  • ეწვიეთ უშგულის ეთნოგრაფიულ მუზეუმს და მოინახულეთ მასში დაცული ნივთები, რომელიც სრულ სურათს შეგიქმნით ნამდვილი სვანური ოჯახის უძველესი ცხოვრების პირობებზე.
  • დააგემოვნეთ სვანური ჭაჭა რომელსაც ადგილობრივები სხვადასხვა ხილისგან ხდიან (ვაშლი, მსხალი, ხორბალი, ტყემალი და აშ).
Ushguli GEO_528

როდის ესტუმროთ უშგულს?

საუკეთესო დრო უშგულში მოგზაურობისთვის ზაფხული და ადრეული შემოდგომაა. იმ დროს როცა ბარში ზაფხულის მწველი დღეებია, უშგულში როგორც წესი ტემპერატურა 20-25 გრადუსს იშვიათად აღემატება. ზამთარი და თოვლიანობის პერიოდი საშუალოდ სექტემბრის ბოლოდან აპრილის ბოლომდე გრძელდება. თოვლით დაფარული მიდამოები და კოშკები მართალია იშვიათი სილამაზით გამოირჩევა, თუმცა ხშირი ზვავების გამო არსებობს დანარჩენი სამყაროდან იზოლაციის საფრთხე.

უშგული განსხვავდება დანარჩენი სამყაროსგან, ის დარჩა ისეთი როგორიც იყო, სწორედ ამაშია მისი მთავარი ხიბლი. სწორედ ბუნებრივი იზოლაციის წყალობით შეძლეს სვანებმა დღემდე შემოენახათ საკუთარი ტრადიციები, ენა და სულისკვეთება. აქ ძნელია იპოვნოთ დახვეწილი ტურისტული მარშრუტები, მაგრამ მრავლად აღმოაჩენთ შუა საუკუნეების არქიტექტურას. შესაძლოა აქ ვერ დააგემოვნოთ მრავალი სახეობის ღვინო ან პოპულარული ქართული კერძები, რადგან სვანური სამზარეულო ძირითადად იმ ინგრედიენტებისგან შედგება, რაც ადგილზე მოიპოვება, სამაგიეროდ აქ გაგიმასპინძლდებიან კუბდარით, ჭვიშტარით, ლეცვმარით, ქნაშით და სხვა სვანური კერძებით.

Ushguli Ushguli Shkhara (2) Ushguli Svaneti - Ushguli Church of the Lamaria. Ushguli  (Svaneti, Georgia) Village Murkmeli, Ushguli Community, Georgia

Back to the list

Davit agmashenebeli Lane, 3300 Mtskheta, Georgia
V. Gorgasali Street 1, Stepantsminda , 4700 Kazbegi, Georgia
14 Merab Kostava Street, Vera, 0108 Tbilisi City, Georgia
Tamar mepe 55, 4200 Sighnaghi, Georgia
თბილისი - თბილისი - 570
8 დღე
თბილისი - თბილისი - 545
7 დღე
თბილისი - თბილისი - 350
7 დღე
თბილისი - თბილისი - 220
4 დღე