საქართველოს შესახებ

საქართველო

საქართველოს შესახებ

თუ გსურთ აღმოაჩინოთ უდიდესი კულტურის და მრავალსაუკუნოვანი ისტორიის მატარებელი ქვეყანა, გირჩევთ იმოგზაუროთ საქართველოში და გაიცნოთ მისი ღირსშესანიშნაობები. მიუხედავად ევროპისა თუ აზიის არაერთ ქვეყანასთან კულტურული მსგავსებისა, საქართველომ საუკუნეების განმავლობაში შეინარჩუნა და დღემდე შემოინახა საკუთარი იდენტობა, ის რაც აქცევს მას უნიკალურ ქვეყანად.

საქართველო პირველი ევროპელების, იუნესკოს მსოფლიო მემკვიდრეობის ძეგლების, ღვინის და ოქროს საწმისის ქვეყანაა, მათ შორის შესაძლოა შენიც, მაგრამ თუ ჯერ კიდევ არ იცნობთ მის კუთხეებსა და რეგიონებს გირჩევთ, იმოგზაუროთ საქართველოში.

თქვენ გელით საინტერესო მოგზაურობა აბრეშუმის გზაზე, პირველი ევროპელების ნაკვალევსა თუ არგონავტების კვალდაკვალ. მუდამ თოვლით დაფარული კავკასიის ულამაზესი მთები გაგიწევენ მეგზურობას ქვეყნისა და ჰორიზონტის გასწვრივ, იქნება ეს მოგზაურობა მთაში საქართველოს სიდიდით მეორე და ულამაზესი მწვერვალი ყაზბეგის მოსანახულებლად, თუ გაემგზავრებით მზიან ბათუმში.

არ გამოტოვოთ შესაძლებლობა დააგემოვნოთ საქართველოს სხვადასხვა კუთხის ღვინო მაშინ როცა ქართული ქვევრის ღვინის დამზადების მეთოდი იუნესკოს არამატერიალური კულტურული მემკვიდრეობის ნუსხაშია. ქვევრისა და ღვინის დამზადების ცოდნა და გამოცდილება თაობიდან თაობას გადაეცემა და ყოველი ქართველი სიამოვნებით უზიარებს ამ ცოდნას საკუთარ თუ ქვეყნის სტუმარს. ხოლო რთველი, ეს არის რიტუალი ყოველი ოჯახისთვის, რომელსაც ისინი მეგობრების, მეზობლებისა თუ ახლობლების წრეში აღნიშნავენ.

ქართული სუფრისა და სადღეგრძელოს ტრადიცია არა მარტო სტუმართმოყვარეობის ცერემონია, არამედ ქვეყნის სავიზიტო ბარათია. ტრადიციული ხინკალი, ხაჭაპური, ბოსტნეულითა თუ ყველით მდიდარი ქართული სამზარეულო არამარტო საქართველოშია სახელგანთქმული და ბევრისთვის სასურველი.
საქართველომ მსოფლიოს არამატერიალური კულტურული მემკვიდრეობა მრავალხმიანი სიმღერებით, ქართული ცეკვის ცხელი ხასიათით, უნიკალური ქართული ენით და დამწერლობითაც გაამდიდრა, რაც უდიდეს როლს თამაშობს ქვეყნის თვითშეგნებისა და იდენტობისათვის.
ეს საქართველოა - აღმოაჩინე შენი ქვეყანა!